Die Hervormer

Bybelvasvra 2017

Ds Quinten Schimper skryf:

Die Bybelvasvra haak in 2017 aan by die tema 500 jaar Kerkhervorming. Dit is ons droom dat elke ring van die Kerk by die nasionale vasvra in Oktober 2017 verteenwoordig sal wees.

Een van die Bybelboeke waarin ons by uitstek die temas rondom die Reformasie terugvind, is Romeine. Daarom bestaan die bestek vir 2017 se Bybelvasvra uit Romeine 1-16. Die artikel deur prof Natie van Wyk oor die geskiedenis van die Kerkhervorming (bladsye 6-11 in die Gedenkalbum) maak ook deel uit van die bestek.

Normaalweg is daar ’n Kopkrapper-afdeling as deel van die Bybelvasvra, maar in 2017 gaan die algemene Bybelkennis deurlopend getoets word. Kom ons herdenk die Kerkhervorming in 2017 ook op hierdie wyse – waar gelowiges, soos die Hervormers, ook met Romeine worstel.

Vir meer besonderhede, kontak di Stephen de Beer (074 658 4630), Marius Bacon (083 297 6135) of Quinten Schimper (076 687 7410).